გენდერული დისბალანსი თუ დეფიციტი?!

მოკლედ, დავტრენინგდი…

სიმართლე რომ ვთქვა, პირველი დღე უფრო მომეწონა, მაგრამ შაბათსაც არაუშავდა;)) ნუ, ბევრი რამ ვერ მოესწრო, ”რედისონის”  პროექტორის გამო ერთ ფილმს ვერ ვუყურეთ, ხმა არ ჰქონდა:-(

მეორე დღეს ძირითად ოჯახურ ძალადობაზე, და მედიაში გენდერულ დისბალანსზე ვისაუბრეთ. რაღაც დავალებებიც გავაკეთეთ, მაგალითად, დავთვალეთ, გაზეთში ქალის და მამაკაცის ფოტოები 🙂

ხოდა, ალბათ,  გენდერულად უფრო მგრძნობიარე გავხდი:-) მაგალითად, რეკლამებს და ფოტოებს მეტ ყურადღებას ვაქცევ – სექსისიტური არ იყოს:-) მაგრამ ერთი რამე მაინც ვერ გავითავისე. ანუ ის, რომ როცა მასალას ამზადებ , უნდა იფიქრო, რომ გენდერული დისბალანსი არ იყოს ანუ თანაბარი რაოდენობით გყავდეს ქალებიც და კაცებიცო. კააარგით რაა:-))

მე რომ სტატიას ვწერ, იმაზე როგორ ვიფიქრო, რომ უი, ეს რესპონდენტი უკვე კაცი მყავს და ეს მეორე კაცი ძაან მაგარ რამეს კი ამბობს, მაგრამ უნდა გავცხრილო, რადგან აქ ქალი მჭირდება იმის მიუხედავად – კომპეტენტური იქნება თუ არა და იტყვის თუ არა იმას, რაც ჩემი სტატიის შინაარსს პასუხობს. (ან პირიქით, არის თემები, სადაც ქალები დომინანტობენ რაოდენობით). ხოდა, ვაწვები, რომ გააჩნია თემას.

იქ ამბობდნენ, რომ ყველა თემაში შესაძლებელია ქალის პოვნაო, კი, ბატონო, შესაძლებელი არის, მაგრამ თუ ის კაცი (ან პირიქით) უფრო შესაფერია კონკრეტული მასალისთვის, რატომ უნდა ვიქაჩო??? არის სფეროები, მაგალითად, პოლიტიკა, სადაც ქალების მართლა დეფიციტია.. თან ყველაფერი კონკრეტულ მასალაზეა დამოკიდებული.

რადიოსიუჟეტებს რომ ვაკეთებდი, ყოველთვის პრობლემა მქონდა კაცების – განათლებაში ქალები მეტი იყვნენ, მაგრამ ამის გამო, სიუჟეტი ჩამეგდო??

კი, ბევრ რამეში მოიძებნებიან ქალებიც და კაცებიც, მაგრამ ახლა ვთქვათ, ბიუჯეტს რომ ამტკიცებს პრემიერი, ის ბიუჯეტი უბრალო ქალებს ხომ შეეხებათ და მიდი და ჩაწერეო. კი მაგრამ, უბრალო კაცს არ შეეხება??

ჩამოვიდნენ ბელორუსი დეპუტატები, არის ყველა კაცი, შეხვდნენ ბაქრაძეს, ვაშაძეს, თარგამაძეს, იაკობაშვილს – მე უნდა მოვამზადო მასალა – უბრალოდ ახალი ამბავი ( რა და როგორ მოხდა) – სად მოვძებნო ქალი..

დანარჩენი გასაგები და მისაღები იყო ჩემთვის, ნუ, სტერეოტიპული მიდგომები არც აქამდე მაწუხებდა მაინცდამაინც და ახლა საერთოდ. ასე, რომ მათი გამოუყენებლობა გულს ვერ დამწყვეტს:-) ხოდა,  სექსისტური მასალის დამწერიც არა ვარ 😉

ისე,  ამდენი ”საზოგადოების აზრის მფორმირებელი” და  ”ობიექტური”  ჟურნალისტი თუ გვყავდა არ ვიცოდი:))  

”კაცოვო, ჩვენი ფუნქციაა საზოგადოების აღზრდაო’ – ერთმა.

”ხო უნდა დავანახოთ საზოგადოებას, რისთვის ვაკეთებთ, მარტო ფაქტები კი არ უნდა ვაჩვენოთ, ჩვენ უნდა ვუთხრათ, რომ ეს ცუდიაო” – მეორემ.

”ჩვენ არ უნდა დავიდეთ მკითხველის დონემდე, ის უნდა ამოვიყვანოთ ჩვენამდეო” – მესამემ.

ბეეჩა, მე რა დამმართნია, ჩამოვრჩენილვარ ცხოვრებას მეთქი.

საღამოს ოფიციალური მიღება გაიმართა. რუსუდან კერვალიშვილმა მონაწილეობის დიპლომები გადმოგვცა. ჩემსას აწერია :  ”CERTIFICATE    SUCCESSFULLY    COMPLETED     THE     TRAINING    FOR    MEDIA     PROFESSIONALS ON    GENDER    &    GENDER    REPORTING     Ms. Mariam (მარიამ:-) Akhsiashvili”. სულ იმას ვბუზღუნებოდი დედაჩემს – მარინე როგორ დამარქვი მეთქი:-) სანამ პირადობას ავიღებდი, ყველგან სხვადასხვა სახელით ვეწერე – სკოლაში მარინა და მარიამი. სამედიცინო ანკეტაში – მარიანა.  მეძახდნენ – მარიკას და ა.შ. და უცებ, აღმოვაჩინე, რომ მარინე ვყოფილვარ:-) ხოდა, აქ რომ მარიამი ვნახე – ძალიან მეუცხოვა;-) ეგ არაფერი თუ მოხდა სასწაული და ვინმე შემომედავა, ვეტყვი – ნათლობის სახელია მეთქი:-)

 

 

გენდერი და მედია

მოკლედ, დღეს ტრენინგზე ვიყავი (ჩემი პირველი ტრენინგია – მომილოცეთ:))) – ”გაეროს მოსახლეობის ფონდი” აწყობს ორდღიან ტრენინგს ”პროფესიონალი ჟურნალისტებისთვის” სასტუმრო  ”რედისონში”:)) ნუ, ახლა ჩემი პროფესიონალიზმი რა ხარისხისაა, არ ვიცი, მაგრამ ”თხა თხაზე ნაკლებიო” თუ რაღაც:)) თამუნა ნასყიდაშვილმა (”24საათის”  სარეკლამო სამსახურში, მარკეტინგში თუ რაღაც მაგდაგვარშია, საიტზეც ერთ-ერთი პასუხისმგებელი პირია) დამირეკა ამასწინ და როგორც ”სოციალურ თემებზე მომუშავე” – მინდა, რომ შენც ”დატრენინგდეო”:)

ხოდა, მივედი დღეს. მოკლედ,  ძალიან მომეწონა;)) ბევრი რამ გავიგე გენდერის შესახებ, თან ძალიან სახალისო მაგალითები და დავალებები გვქონდა. ე.წ ”ბრეისტორმინგს” რომ ეძახიან (თუ არასწორად გამოვთქვი, სორრი, უცხო ტერმინებზე რატომრაც აცრილი ვარ:)  მასეთებს ვაკეთებდით ჯგუფებში, ბევრი ვიკამათეთ, რაღაცებზე ვჯერდებოდით, რაღაცებზე ვერა:) რაღაც ტექსტებიც დავწერეთ. ნუ, რვა საათი ძალიან მალე და სახალისოდ გავიდა. ერთ-ერთი ბოლო დავალება იყო ძალიან საინტერესო. მოცემული იყო პირობა და ჩვენ უნდა დაგვეწერა იმ ლიდის მიხედვით რაღაც ამბავი, ოღონდ ჩვენს ჯგუფს ეს ძალიან სექსისტურად უნდა დაგვეწერა, სხვას პირიქით. კარგი რამ გამოვიდა – ”ოჯახის ქალი ქუჩაში”;)  ნუ, პირობაც მაგარი იყო: ”20ქალმა მიტინგი გამართა მოთხოვნით – დიასახლისობაში ხელფასი გადაგვიხადეთ” და ამაზე სექსისტური ნიუსი როგორი გამოვიდოდა, კაი წარმოსადგენია:))  ყველანაირი სტერეოტიპი გავიხსენეთ და ა.შ:))

მოკლედ, გენდერულ საკითხებთან არასდროს არ მქონია შეხება და დღეს ბევრი რამ გავიგე. ბევრი მაგალითი ჩამოვყარეთ. ერთი მომეწონა:  სადღაც ისეთი კანონი ყოფილა, გაუპატიურებაზე სარჩელი რომ შეგაქვს, თუ ექვსი მოწმე არ მიიყვანე, არ გცნობენ დაზარალებულად, ასე რომ თუ მაინცდამაინც მიტინგზე არ გაგაუპატიურეს, მოძალადეებს უგულავიათ რაა..

სტერეოტიპებზე ვიმსჯელეთ, რაც გენდერულ უთანასწორობას და ძალადობასაც (თუნდაც ფსიქოლოგიურს ) წარმოშობს. ოჯახური ძალადობა განვიხილეთ.

ორდღიანი ტრენინგია და ხვალაც იქნება, ხოდა მოუთმენლად ველი გათენებას:) თან ხვალ უფრო საინტერესო დავალებებია, უფრო ჟურნალისტური – ქუჩის გამოკითხვები უნდა ჩავატაროთ და რაღაცებიც დავწეროთ. 6-ის ნახევარზე კი რაღაც ოფიციალური მიღებაა ჟურნალისტებისთვის.  (16დღიანი კამპანია იწყება ამ  გენდერული ძალადობის წინააღმდეგ და..)..

ასე, რომ ხვალინდელი რვა საათიც ძალიან საინტერესოდ მესახება:)

 

naec.ge – მ შობა:-)

დღეს გამოცდების ეროვნულმა ცენტრმა სამაგისტრო გრანტების პასუხები დადო და ამოვისუნთქე, ამოვისუნთქე სოფოს (ჩემი დეიდაშვილის), ჩემი სანათესაოს, ჩემი მეგობრების ნაცვლად. ალბათ ჩემთან ერთად და ჩემზე მეტად ამოისუნთქეს იმ ადამიანებმა, ვისაც პირადად ეხებოდა სამაგისტრო გამოცდები, მათმა ნათესავებმა და ა.შ.

ჩემთვის ყველაზე მნიშვნელოვანი ხუთი პასუხი გავიგე, აქედან სამი დადებითი, ორზე გული დამწყდა, მართალია, თავადაც არ ჰქონდათ დაფინანსების იმედი, მაგრამ მაინც.. ანელი გოდებს ახლა – რატომ ავიღე გრანტიო. ინგას გაუხარდა. სოფოს (ჩემს დეიდაშვილს) კი გაუხარდა, მაგრამ – ოთხი თვის ლოდინის მერე გაფერმკრთალდაო 🙂

თან ჟურნალისტიკაზე დააფინანსეს ილიაუნიში, თავად ტურიზმი აქვს დამთავრებული და ტურიზმზეც ჰქონდა შეტანილი საბუთები, მაგრამ უნივერსიტეტში რაღაც აირია და გამოცდების ეროვნულ ცენტრს მარტო ”ჟურნალისტიკის სიაში მყოფი” გადაუგზავნეს. ხოდა, ”შეეტენა” ეს ჟურნალისტიკა:))) მარა, როგორც თვითონ თქვა – ახალი სფეროა, საინტერესოც იქნება, მარა თუ გავყვები, ვნახოთო;-))

თამოებზე დამწყდა გული ძალიან, მარა…

ხოდა, კიდევ ერთხელ მომინდა მაგისტრატურის გამოცდები წელს მეც ჩამებარებინა დედაჩემს დავუწყე – სულ შენი ბრალია, ნორმალურ დროს რატომ არ შემიყვანე სკოლაში, ხო დამთავრებული მექნებოდა ახლა უნი მეთქი. (ექვსის შემიყვანეს, 7 – ის გავხდი 6ოქტომბერს, ხოდა ბევრ ჩემს კურსელზე უფროსი ვარ).  ხოდა, წელს ძალიან ატეხილი ვიყავი – უნარები მომენატრა;-) 

მაგრამ არაუშავს, მეტი დრო მექნება გადავწყვიტო – ”განათლების ადმინისტრირება” თუ ჟურნალისტიკა:-D

ან იქნებ გაისად რამე უკეთესი პროგრამაც გამოჩნდეს ილიაუნიში.

(  ეს მაინც ვიცი , სად უნდა ჩავაბარო:-D)

ხოოოდა, მათემატიკასა და ანალიტიკურ წერაში მომიწევს გაწაფვა:-)

ანე, მათემატიკაში მამეცადინე რააა:-P

 

”ხუთი შიში”..

ახლა, როცა ისე მესიკვიდილება რამის გაკეთება (არადა, თავზე მაყრია იმდენი მაქვს ეკონომიკაზე საძიებელ-სასწავლი), წიგნიც აღარ მაქვს, რომ  წავიკითხო (მესამე წრეზე ვეღარ წავალ:-)  და მოზრდილი პოსტის დაწერაც მეზარება (რეპორტაჟს ავტობუსიდან ვერ დავადგი საშველი):-) კიდევ რამდენიმე მოზრდილი პოსტის იოდეა მაქვს, მარა დამეძინება სანამ იმას დავწერ. ხოდა,  blogroll.ge -ზე დავბოდიალობდი, სხვების ბლოგებს ვკითხულობდი და ჰექსეს ბლოგზე პოსტს ”გადავაწყდი” – ”ბავშვობაში მეშინოდა ტოპ ხუთეული”. ხოდა, რაკი იქ ეწერა ”ვთაგავ ყველას ვისაც ბავშვობის შიშების გახსენება მოესურვება” – ო და მეც რაღაც ”წამომეხალისა”, დავწერ:

1. ”სოჩიკის”  (ახლა ანელი გამლანძღავს ორი რამისთვის: ა ) სოჩიკი რა ქართულია, მრიცხველიო და ბ) რა სულ ჩემზე უნდა წერო. ეს არის შენი ბლოგი ჩემზეო:-) , ხოდა, ძალიან მეშინოდა დენის შავი მრიცხველები რომ იყო ხოლმე. კორიდორში ვერ გავდიოდი შიშით, რომ ვხედავდი, მეგონა იმ ორ (არ ვიცი რა დავარქვა, თვალებივით რაღაც ქონდა – სახურავებივით:) რაღაცას მოიხსნიდა, თვალებს დააჭყეტდა და გამომეკიდებოდა.

2. გუდიანი კაცის – ოღონდ ამ გუდიან კაცს ვეძახდი ძველად რაღაც შენობები რომ იყო – ერთსართულიანი, მგონი შუქის რაღაც იყო, ხოდა მუდამ ხმაური გამოდიოდა. სადაც კი მხვდებოდა, (ერთი ჩემს კორპუსთან იყო) –  შეშინებული გავრბოდი. ზოგჯერ სიმამაცე შემომიტევდა ხოლმე, მივიპარებოდი ამ შენობასთან, დავიყვირებდი – ”გუდიანო კაცო, გამოდი” და თავქუდმოგლეჯილი მივრბოდი:)

3.  მამაჩემის – ძალიან უზრდელი ბავშვი ვიყავი. ყველა ბიჭს ვჯობდი გინებაში. ხოდა, მერე მამაჩემი მასილაქებდა  ხოლმე. რამეს რომ დავაშავებდი, ეგრევე საწოლის ქვეშ ვიმალებოდი –  ვერ მომძებნის მეთქი.

4. შავკოსტუმიანების – შიო გვეტაძის  ”მონანიება” რომ წავიკითხე პირველ კლასში ვიყავი , ხოდა სულ მეშინოდა შავკოსტუმიანები მოვლენ , ჩემს მშობლებს წაიყვანენ და აღარასოდეს მოიყვანენ , ხოდა მე და ჩემი და მარტო დავრჩებით მეთქი, მერე წარმოვიდგენდი  ჩემს დას ფილტვების ანთება როგორ ემართებოდა და კვდებოდა, მე ”ის რუბენა” ჩამიგდებდა ხელში და გავხდებოდი – ”საშკა ჩერქეზი”, ”ჩარგიევი’ და ა.შ:-)

5. დაბადების დღის – ვაი და წიგნი არ მაჩუქონ მეთქი:-)) 15წლამდე ჩემს დაბადების დღეზე უწიგნოდ ვერ მოვიდოდნენ. ან ფულს მჩუქნიდნენ და მერე მე დავრბოდი წიგნების საყიდლად:-)

ეჰ, ბავშვობა, ბავშვობა:))

 

უსაფრთხო სექსი გიასთან

მოკლედ, იმდენს ეწერა ხოლმე სერჩ თერმებზე პოსტები, რომ მეც მომინდა. ერთი თვის მანძილზე ”ვუყურე”  ჩემი ბლოგის მარგალიტებს და ახლა მოვიცალე და ვაქცევ პოსტად.

1. პირველი მინიმუმ ორმოცდაათი სერჩი შემიძლია გავაერთიანო ერთში: გია სურამელაშვილის საიტი ,  ბიოგრაფია, რამდენი ქალი ჰყავდა, იცავს თავს? უსაფრთხო სექსი გიასთან,  გია, შენგან ბიჭი მინდა…

ქალბატონო (ან ბატონო:) – იმედია, მიიღეთ სასურველი პასუხი გუგლი ბიძიასგან და შეგახვედრათ ერთმანეთს.

2. მარი ახსიაშვილის რეპორტაჟი ნეფე – პატარძლის საძინებლიდან.

აბა, ამას უყურე რაა.. სულ ვფიქრობდი, რეპორტაჟი რაზე დავწერო მეთქი და აჰააა, რა გინდა ამაზე უკეთესი თემა – არ მესმის.:–)

3. რა არის სიმღერა?

ანელიმ მითხრა, სწორედაც რომ შენთან უნდა ხვდებოდნენ კაცოვო:–)

4.სად ვისწავლო კომპიუტერის დაშლა აწყობა?

დაშლას მე გასწავლი და აწყობას ვერ დაგპირდები.

5. ნატვრის განმარტება :

სიტყვას ან სიტყვათა ჯგუფს, რომელიც დასრულებულ აზრს გამოხატავს და შეიცავს “ნეტას” , “აუ, ახლა რომ..” და მსგავსს  – ნატვრა ეწოდება.

6. სმს მეტყველება – აქ მართლა სწორად მოხვდა ჩემთან. სმს მეტყველება ისე მიყვარს, რომ სადაც კი შანსს ვიპოვნი, ეგრევე მესიჯით ვემეტყველები ხოლმე. იქ ისე კარგად მაქვს “ლ” გამაგრებული, რომ რა ვიცი;);

7. მაგარი თმის გასასწორებელი – ისე მაინტერესებს თმის სასწორებელია მაგარი თუ თმაა მაგარი;

8. ამდგარი – უპასუხო სერჩი.

9.არ ჩამოვალ, არაო – აშკარად ვიღაცამ ”გადააგდო” და ამანაც დაგუგლა, ალბათ მიზეზი აინტრესებდა, რატომ არ ჩამოვიდა;

10. საბავშვო ბაღის გახსნა მინდოდა და უფლება არ მომცეს –  ვიზიარებ.

11.რამდენ წლამდე იზრდება გოგო სიმაღლეში –  25–მდეო ამბობენ.

12.ერთჯერადი ჩუსტები – ყველა მასეთია გენაცვალე.

14.როგორ უნდა აუხსნა ბიჭს სიყვარული – იმედია, ნახე ვინმე  ექსპერტი, თორემ მე თუ მელოდე, დარჩები მასე.

15.როგორ დავიბრუნოთ ქმარი, ხერხები – თუ გაიგე მეც მასწავლე, რა იცი, როდის დამჭირდეს.

16.ავტობუსის სტიპენდიანტი – ეს არ მესმოდა რა იყო და მერე ანელიმ ამიხსნა : საქართველოს ბანკი იმ სტუდენტებს, ვინც სტუდენტური პლასტიკური ბარათით ყველაზე მეტს დახარჯავს მეტროსა და ავტობუსში, ასლარიან სტიპენდიას უნიშნავენო.

17. მიხეილ სააკაშვილის ჩანანაწერები თინეიჯერობისას –ნახე, ამას უნდა გაიგოს როგორ ხდებიან პრეზიდენტები.  ვერ მოგართვით.

20.ჟურნალისტი დიპლომატს უხსნის სიყვარულს , რა უნდა უპასუხოს დიპლომატმა?რამე კომპრომისი უნდა გამონახო.  დიალოგი უნდა შესთავაზო. ემოციები ძირს, პრაგმატულად უნდა იმოქმედო.

21. როგორ დავიწყო თელასში მუშაობა? –

აბა რა გითხრა, სულ მინდა ეგ სამსახური ვიშოვო. ანელიმ მითხრა დღეს – თურმე სათელასო უნდა დაამთავრო ოქროს მედალზე და მერე შეიძლება დაგასაქმონო.

22. სოფელი ლიჩი – არც არაფერი. ჩემი სოფელია და ისე გამიხარდა , სხვასაც რომ ცოდნია რაღაც ან ეძებდა მაინც:))

 

ეს ვარ მე!!!

თაზოს პოსტი წავიკითხე და რაღაც მომინდა ამ თამაშში ჩაბმა. დამაინტერესა, რას ვუპასუხებდი;) ხოდა, თაზომ – არავის ვტაგავ, ვისაც გინდათ, დაიტაგეთ თავიო, მეც ვიტაგავ:-)

მიყვარს –  შემწვარი კარტოფილი. ოჯახის წევრები, მეგობრები, რეპორტაჟების წერა და რადიო (ღია რადიო:-);

ვოცნებობ – ოდესმე მაინც ვისწავლო რამე უცხო ენა:-) რამე მაინც :-);  არ იყოს ომი და მიწისძვრა;

ვფიქრობ –  სულ. ბევრ რამეზე, მაგისტრატურაზე, ადამიანებზე, სამსახურზე, მომავალზე, ერთზეც..;-)

კმაყოფილი ვარ –  ხანდახან.

მძულს – მწერები, საზოგადოებრივ ტრანსპორტში  სასმელის სუნით აყროლებული კაცი (ქალიც:) რომ მიზის გვერდში;

ვნანობ –  ხანდახან;

მენატრება –თემური და ”ღია რადიო’:-)

მსურს – ვიყო კარგი ჟურნალისტი; ვიცოდე ინგლისური მაინც;) აუ, ახლა მინდა ერთი კვირით გადამხვეწა სადმე გადაკარგულ ადგილას,  არაფერი არ მქონდეს საფიქრალი და მარტო წიგნები მაკითხონ;-)

მაღიზიანებს –თავხედები;

ვგრძნობ – რომ დავიღალე, ძალიან..

მეშინია – მიწისძვრის და კალიის;

ვიცი –  adobe audition; :-P;

არ ვიცი – უცხო ენები.

შემიძლია –  შეშის დაჩეხვა, პურის მოზელვა-დაცხობა; სოკოს გარჩევა შხამიანისგან;)

არ შემიძლია –  ფეხბურთის ყურება;

ვმეგობრობ –  მეგობრებთან;

ვაპატიებ – ყველაფერს ან არაფერს; (რამაზ საყვარელიძეობა მომინდა).

ვტირი –  უბრალო რაღაცებზეც;

ვიცინი – ხშირად;

ვეძებ –  განძს:)

ღირსი ვარ –  დედაჩემი მოვიდეს ახლა და მითხრას – გადაგიგდებ მაგ კომპიუტერსო:P

ვკარგავ – მოთმინებას.

მშურს – თითქმის არავისი.

ვემტერები – მტრებს;

მაინტერესებს –  პირველი ქათამი გაჩნდა თუ კვერცხი 😛

არ მაინტერესებს – ფეხბურთი;

მახსოვს – ყველაფერი, ჯერ D დისკი არ გამივსია.

მრცხვენია –  იმის, რომ ყველაფერზე  შეიძლება ცრემლები წამომცვივდეს;

უარვყოფ – რომ  ვარ თავხედი;

ავადვმყოფობ –  ხშირად , ოღონდ  ექიმთან მისვლა ყოველთვის მეზარება, სანამ  ბოლო წუთამდე არ მივიყვან საქმეს…

ვმალავ – 14 – 17წლის ასაკში დაწერილ დღიურებს.

ვინახავ – ყველაფერ სამახსოვროს.

მწამს –

მიკვირს – ”დაშტამპული” სტუდენტი  ჟურნალისტების.

მიხარია – ხელფასის დღე.

ვჭორაობ –  ბევრს 😀

ვდარდობ – ბევრ რამეზე.

ვამაყობ –  ღია რადიოთი:-)

ვაკეთებ – რას აღარ:-)

ვეფერები –  არავის.

მსიამოვნებს – facebook – ში ძრომიალი.

მესიზმრება –  ყველაფერი, რისი დასიზმრება და არდასიზმრებაც შეიძლება;

ვეწევი – არაფერს.

მწყინს –  ბევრი რამ.

ვხარჯავ – ენერგიას, დროს და ფულს;

ვღალატობ – ჯერჯერობით არავის:)

ვკამათობ –ხშირად.

ვუხეშობ – როცა მეუხეშებიან;

ვუსმენ – და ვუყურებ –  ”ღია რადიოს” გადაცემებს და   facebook -ზე დადებულ ვიდეოებს;

ვყოყმანობ – როცა საქმე სხვასაც ეხება.

ვკითხულობ –  საიმონ სებაგ მონტეფიორეს ”ახალგაზრდა სტალინი”;

ვამზადებ – ბევრი რამის მომზადება ვიცი:-)

ვუყურებ – და ვუსმენ –   facebook -ზე დადებულ ვიდეოებს და ”ღია რადიოს” გადაცემებს მეთქი:-); კიდე, ბოლო ათი დღის მანძილზე აეროსმიტი ამოვიჩემე და დღე-ღამ ვუსმენ.

ვკლავ – მწერებს;

ვაფუჭებ – ტექნიკას;

ვცხოვრობ – სახლში;) დედასთან და დასთან ერთად;

ვცემ –  პატივს;-)

ვყვირი – როცა მოთმინებას მაკარგვინებენ;

ვმღერი – სულ – ”24საათში” და ”ღია რადიოშნიკებთან”:)  უცებ კი მთიშავენ ხოლმე , მაგრამ მაინც;-)

ვასრულებ – სიმღერებს მძღოლკლორიდან:-)

დავდივარ – საზ. ტრანსპორტით.

ვმკურნალობ –  არაფერს, მაგრამ სასწრაფოდ ვარ ქირურგ-სტომატოლოგთან მისასვლელი;(

ვერიდები –  აფექტის მდგომარეობაში ჩავარდნას:-)

ვთამაშობ –  არაფერს. (ხანდახან თამუნას ნერვებზე:) მერე ისიც თამაშობს და ასე ვჟრიამულობთ ხოლმე  ჩატში:-)

ვიტყუები – თითქმის არასდროს, რადგან ტყუილისას სახე მეცვლება, ბრინჯივით ვიბნევი და ვერაფერსაც ვერ ვამბობ;)

ვეთაყვანები –  ინტერნეტს და ლიტერატურას;

ვგიჟდები იმაზე, რომ – ”რამდენი გიჟია ამ ქვეყანაზე და ყველა მე როგორ უნდა მივიწებო”;

ვაგროვებ – ავტობუსის ქვითრებს;

ვიხდი –ინტერნეტის გადასახადს;

ვეჭვიანობ – დღე-ღამეში 24საათი:-). არა, მთლად ამდენი არა, მაგრამ ბევრ რამეზე და უცაბედად ვეჭვობ ხოლმე:)

ვკაიფობ – რა ვთქვა???

ვიზიდავ –გიჟებს;

ვილამაზებ – ცხოვრებას:-);

ვტაგავ პოლკოვნიკს.

 

დილა მშვიდობისა, ირანო!!!

დღეს დილით (უფრო ზუსტად შუადღეს) გავიღვიძე და კომპს მივუჯექი თუ არა, რამდენიმე ფეისბუქელის დადებული ლინკი ვნახე შსს-ს და იუსტიციის სამინისტროს საიტისა.

შინაგან საქმეთა სამინისტოს განცხადება 01 ნოემბერი

”2009უწმინდესისა და უნეტარესის, სრულიად საქართველოს კათოლიკოს პატრიარქის ილია მეორის შეურაცხმყოფელი და უხამსი ვიდეორგოლების დამზადებისა და ინტერნეტით გავრცელების ფაქტზე საქართველოს პროკურატურამ და შინაგან საქმეთა სამინისტრომ წინასწარი გამოძიება დაიწყო.გამოძიებამ დაადგინა, ორი პირი, რომლებმაც ვიდეორგოლების დამზადებასა და განთავსებაში მიიღეს მონაწილეობა. გამოძიება არ ასახელებს ამ პირების ვინაობას. ცნობილია მხოლოდ ის, რომ ერთი მათგანი თბილისის საშუალო სკოლის მოსწავლეა, მეორე კი სტუდენტი. ამოღებულია ფაქტობრივი მტკიცებულებები-ვიდეოფაილები და კომპიუტერები. ამ საქმესთან დაკავშირებით დამატებითი გარემოებების დასადგენად დაიკითხა თეა თუთბერიძეც. ამ ეტაპზე გამოძიება სხვა დეტალებს არ ახმაურებს”.

რაც თუთბერიძემ ის ვიდეოები გაავრცელა ფეისბუქით, სულ მინდოდა პოსტის დაწერა და სულ ვიკავებდი თავს რაღაც მიზეზებით, ფბ-ზე კი ძალიან ბევრ ადამიანთან მქონდა ”ჯახი” – სულ ამბობდნენ, რომ – ”სხვისი გამოხატვის თავისუფლება იქ მთავრდება, სადაც ჩემი უფლება ირღვევა”..

მე კი სულ არ მესმოდა, რას უწოდებდნენ ეს ადამიანები საკუთარი უფლების დარღვევას. უმეტესობა, ვისაც ვეკამათებოდი, არიან ჟურნალისტები, რომელთაც უნდა ესწავლათ ”გამოხატვის თავისუფლება”, ნუთუ არ გაუგიათ, რომ:

“გამოხატვის თავისუფლება წარმოადგენს დემოკრატიული საზოგადოების ერთ-ერთ არსებით საფუძველს, მისი პროგრესისა და თითოეული ადამიანის განვითარების ერთ-ერთ ძირითად პირობას. იგი მოიცავს არა მარტო იმ “ინფორმაციასა” და “მოსაზრებებს”, რომლებსაც ბევრი იზიარებს, ან გულგრილად ეკიდება, არამედ იმათაც, რომლებიც შეურაცხმყოფელი, თავზარდამცემი ან შემაშფოთებელია სახელმწიფოს ან მოსახლეობის ნაწილისათვის. ამგვარია მოთხოვნები პლურალიზმის, შემწყნარებლობისა და ფართო თვალთახედვისა, რომელთა გარეშეც შეუძლებელია დემოკრატიული საზოგადოების არსებობა”.

და ამის მერე რა ხდება, შსს აპირებს (დაიწყო) ამ საქმის გამოძიებას, ”შეურაცხმყოფელი” ვიდეოების გამავრცელებლების დასჯას (ნეტა კოცონზე დაწვავენ , ჯვარზე გააკრავენ, ჩაქოლავენ თუ რას მოიფიქრებენ?), პოლიციის ძალით პატრიარქის და ”მთელი ქართველი ერის” ღირსების აღდგენას.

ხალხო, ქართველებო!!! აღარ დაამზადოთ საკუთარი შეხედულებისამებვრ არანაირი კლიპი, არაფერი ატვირთოთ იუტუბზე (ან საერთოდაც, ეგებ გათიშონ საერთოდ ეს საიტი – უცხოურია მაინც), ვიდრე რამეს იტყვით, დაფიქრდით, იქნებ ეს ”მთელ ქართველ ერს” შეურაცხყოფთ – აქ ხომ ყველა ყველას ნათესავია და შეურაცხყოფაში ითვლება არანათესაური კავშირის მქონე ადამიანზე (აქ მიპასუხებენ – გააჩნია ადამიანსო ) კლიპების გავრცელება. (თორემ მეც დამიჭერენ, თქვენც დაგიჭერენ და ტრიფონსაც დაიჭერენ. მაგრამ მარტო ეს არაა – ჯოჯოხეთის წილხვედრები გავხდებით.).

არადა, გამიგია სიტყვის თავისუფლება ხელშეუხებელია და გადახვევა მარტო საგანგებო ან საომარი მდგომარეობის დროს შეიძლებაო. (ეს ”ვითარებები” როგორც ვიცი ჯერ არავის გამოუცხადებია ჯერ…

ხო, აი , თეა თუთბერიძის გავრცელებული ინფოც  ფბ-ზე:

“მამა ბუასილი” დაკითხეს!!! სულ გაგიჟდნენ?! ?! ?!Today at 3:30am

გაწვდით ჯერ-ჯერობით დაუზუსტებელ ინფორმაციას. როგორც ჩემთვის ხდება ცნობილი, მგონი პოლიციამ დაკითხვაზე წაიყვანა ორი ახალგაზრდა, რომლებიც ასევე მამა ბუასილის სახელით არიან სადღაც დარეგისტრირებულები. ირკვევა, რომ მათ ჩამოართვეს კომპიუტერი და ციფრული აპარატი, ესაუბრნენ უხეშად, დააშინეს და უთხრეს, რომ მათ ემუქრებათ 3-დან 5 წლამდე თავისუფლების აღკვეთა, რაც სასაცილოა და აბსურდია. აბსოლუტურად გაუგებარი და გამაოგნებელია პოლიციის ეს ნაბიჯი. გაუგებარია ასევე, თუ რატომ მოძებნეს ეს ადამიანები ან რაში სჭირდებოდათ მათი დაკითხვა, როცა, პირველი, არც ერთი მათგანი არ არის რეალურად ე.წ. მამა ბუასილი და მეორე, რა შუაშია ე.წ. მამა ბუასილის დაკითხვა იმ მუქარის წერილებთან, რომლებიც facebook-ის ჩემს Inbox-ში იგზავნება.

 

მართლაც და, თეა თუთბერიძისადმი მიძღვნილ შეურაცხყოფას არ უნდა გამოძიება? თუ მას ”თავისი მიეზღო”?

დღეს დოდი კარგად მოგვესალმა ფბ-ზე:

დილა მშვიდობისა, ირანო!!!